Erfordia Latina (September 2018)

In unserem Lateinmagazin-Themen:Schott-Glasmuseum, Dädalus und Ikarus, Brühlervorstadt, Neuberinmuseum, St. Blasii-Bibliothek in Nordhausen

_______________________
168. Sendung ERFORDIA LATINA, vom 26. September 2018: Schott-Glasmuseum in Jena | "Dädalus und Ikarus" nach Ovid (4)


> Download

tabuerant cerae: nudos quatit ille lacertos, / remigioque carens non ullas percipit auras, / oraque caerulea patrium clamantia nomen / excipiuntur aqua, quae nomen traxit ab illo. / at pater infelix, nec iam pater, Icare, dixit, / Icare, dixit ubi es? qua te regione requiram? / Icare dicebat: pennas adspexit in undis / devovitque suas artes corpusque sepulcro / condidit, et tellus a nomine dicta sepulti. [Ovid, Met 8]

_______________________
167. Sendung ERFORDIA LATINA, vom 19. September 2018: Brühlervorstadt in Erfurt (altgriechisch) | "Dädalus und Ikarus" nach Ovid (3)


> Download

inter opus monitusque genae maduere seniles, / et patriae tremuere manus; dedit oscula nato / non iterum repetenda suo pennisque levatus / ante volat comitique timet, velut ales, ab alto / quae teneram prolem produxit in aera nido, / hortaturque sequi damnosasque erudit artes / et movet ipse suas et nati respicit alas. / hos aliquis tremula dum captat harundine pisces, / pastor baculo stivave innixus arator / vidit et obstipuit, quique aethera carpere possent, / credidit esse deos. et iam Iunonia laeva / parte Samos (fuerant Delosque Parosque relictae) / dextra Lebinthos erat fecundaque melle Calymne, / cum puer audaci coepit gaudere volatu / deseruitque ducem caelique cupidine tractus / altius egit iter. rapidi vicinia solis / mollit odoratas, pennarum vincula, ceras; [Ovid, Met 8]
__________________________
166. Sendung ERFORDIA LATINA, vom 12. September 2018: Das Neuberinmuseum in Reichenbach | "Dädalus und Ikarus" nach Ovid (2)


> Download


postquam manus ultima coepto / inposita est, geminas opifex libravit in alas / ipse suum corpus motaque pependit in aura; / instruit et natum 'medio' que 'ut limite curras, / Icare,' ait 'moneo, ne, si demissior ibis, / unda gravet pennas, si celsior, ignis adurat: / inter utrumque vola. nec te spectare Booten / aut Helicen iubeo strictumque Orionis ensem: / me duce carpe viam!' pariter praecepta volandi / tradit et ignotas umeris accommodat alas.
_______________________
165. Sendung ERFORDIA LATINA, vom 5. September 2018: Die Bibliothek St. Blasii-Himmelgarten (Nordhausen) | "Dädalus und Ikarus" nach Ovid


> Download

Daedalus interea Creten longumque perosus / exilium tactusque loci natalis amore / clausus erat pelago. 'terras licet' inquit 'et undas / obstruat: et caelum certe patet; ibimus illac: / omnia possideat, non possidet aera Minos.'
/ dixit et ignotas animum dimittit in arte / naturamque novat. nam ponit in ordine pennas / a minima coeptas, longam breviore sequenti, / ut clivo crevisse putes: sic rustica quondam / fistula disparibus paulatim surgit avenis;
tum lino medias et ceris alligat imas / atque ita conpositas parvo curvamine flectit, / ut veras imitetur aves. puer Icarus una / stabat et, ignarus sua se tractare pericla, / ore renidenti modo, quas vaga moverat aura, / captabat plumas, flavam modo pollice ceram / mollibat lusuque suo mirabile patris / impediebat opus. [Metamorphosen VIII 183-200] alas. [Metamorphosen VIII 200-209]

27.09.2018